Hesperian Health Guides
Respirasyon
Kontni yo
Moun k ap toufe
Si yon moun ka touse ak pale, sa fè nou konnen li kapab pran souf.
Lè gen manje oubyen yon lòt bagay k ap bouch gòj oubyen kannal souf yon moun, epi moun nan pa kapab pran souf, nou di l ap toufe.
Si moun nan ap touse, kite l touse. Men si li pa ka touse epi li pa ka pale, sa fè nou konnen li pa kapab pran souf non plis. Nou ka sove lavi li si nou fè vit pote l sekou.
Pou aprann ki jan pou ede yon tibebe k ap toufe, al gade en bas.
| Ba li kou sou do | ||
| Fè l panche kò li sou devan bò tay li. Ba li 5 kou nan mitan do a, ant omoplat yo (gwo zo pa dèyè ki atache sou zepòl yo). Sèvi ak pla men ou. Si sa pa bay rezilta : |
 | |
| Peze fò e vit sou vant li. | ||
| Kanpe dèyè do li. Pase 2 bra ou kenbe moun nan nan tay li. Fèmen men ou youn sou lòt sou vant li, anlè lonbrit la, pi ba pase zo kòt yo.
|
 | |
Si moun nan ap toufe epi li pèdi konnesans
Ak anpil swen, mete li kouche sou do. Louvri bouch li pou ou ka gade anndan gòj li. Si ou wè yon moso manje oubyen lòt bagay k ap bouche gòj li, pliye yon dwèt pou ou ka wete sa ki nan bouch la. Men pa foure dwèt ou nan fon gòj li, pou ou pa pouse bagay la pi fon toujou. Lè fini, fè respirasyon bouch nan bouch pou li.
Tibebe ki poko gen ennan
Si yon tibebe ap toufe epi li pa kapab ni kriye ni touse, eseye debouche gòj li. Ba li kou sou do li ; peze lestomak li.
| Ki jan pou ou kenbe tibebe a Kenbe tibebe a, fas anba, yon jan pou tèt li pi ba pase kò li. |
 | |
| Ba li kou sou do Avèk pla men ou, ba li 5 kou nan mitan do li, ant omoplat yo (gwo zo pa dèyè ki atache sou zepòl yo). Si tibebe a pa p kòmanse pran souf, vire li sou do. | ||
| Fè ti peze lestomak li Mete 2 oubyen 3 dwèt nan mitan lestomak li— jis anba pwent tete yo. Peze lestomak li, epi lage vit. Fè lestomak la desann 2 santimèt konsa. Rekòmanse 5 fwa, oubyen jis tibebe a pran souf. |
 | |
|
Si ou pa kapab debouche kannal souf la, li mèt yon tibebe, yon timoun, oubyen yon granmoun, fè respirasyon bouch nan bouch pou li. | ||
Moun k ap neye
Fè vit wete moun nan nan dlo a. Fè vit kòmanse fè respirasyon bouch nan bouch, epi kòmanse peze lestomak li. Premye bagay pou nou fè se respirasyon bouch nan bouch pou fè lè antre nan kò moun nan.
Si moun nan vomi, mete li kouche sou kote. Sèvi ak dwèt nou oubyen ak yon ti twal ; avèk anpil swen, wete vomi a pou sa pa toufe li.
Respirasyon bouch nan bouch
Lè yon moun sispann pran souf, li gen 4 minit pou l viv ase. Petèt ou ka sove lavi li si ou fè respirasyon bouch nan bouch pou li. Men sa ki ka fè yon moun sispann pran souf : li ka gen yon bagay ki kole nan gòj li, li te ka pran gwo kou nan tèt li, li te ka manke neye, li te ka pran nan kouran, li te ka pran twòp medikaman, oubyen li twò frèt (chalè kò li twò ba).
Si yon moun sispann pran souf, gen de fwa nou ka sove lavi li, si nou fè vit kòmanse fè respirasyon bouch nan bouch pou li.
| Ki jan pou ou mete tèt li Mete moun nan kouche sou do. Rale machwè li monte, epi peze fwon an desann pou kage tèt li sou dèyè, nen li pwente tou dwat sou anwo. |
 | |
| Fè respirasyon bouch nan bouch Fèmen twou nen li yo ak dwèt ou, pou lè a pa ka chape.
|
 | |
| Kontwole batman kè a. Lè ou fin ba li 2 souf, gade pou wè si li pa p pran souf li menm. Kontwole batman kè a bò kou a, oubyen mete zòrèy ou dirèk sou lestomak li, kote kè a ye.
|
 | |