Ki jan pou nou sèvi ak lis medikaman an

SanteWiki > Yon Liv Pou Fanmsaj > Medikaman > Ki jan pou nou sèvi ak lis medikaman an

Nan chapit sa:

 

Nan chapit sa:

• Medikaman (paj koulè vèt yo): izaj, dòz, ak prekosyon pou pran
• Ki lè pou nou sèvi ak medikaman
• Ki jan pou sèvi ak medikaman yo san danje
• Ki jan pou nou bay medikaman
• Kalite medikaman
• Ki jan pou nou sèvi ak lis medikaman an
• Lis alfabetik medikaman yo
• Konprime planin
• Medikaman pou VIH/SIDA

Isit nou jwenn bon jan enfòmasyon sou medikaman ki site nan liv sa a. Tout non kalite medikaman yo se an fransè yo ekri. Non mak yo toujou ekri yon sèl jan. Lis sa a ranje dapre non kalite yo; lis la fèt selon lòd alfabetik fransè a:
A B C D E F G H I J K L M N O P Q R S T U V W X Y Z
Lè nou fè lis medikaman yo, nou mete non kalite a an fransè an premye, nan lèt panche, paske medikaman yo pa fasil gen etikèt an kreyòl. Nou jwenn non kreyòl la, nan lèt nòmal, ant parantèz, ki suiv non fransè a. Non kalite medikaman yo ki ann anglè, an fransè, epi ann espànyòl yo sanble anpil youn ak lòt. Konsa, pa dwe gen gwo pwoblèm pou w rekonèt yo nan tout lang sa yo. Men, sèvi ak anpil prekosyon lè w annafè ak yon lang ki pa lang pa w la.

Nou jwenn enfòmasyon sou konprime planin ak sou tretman VIH/SIDA nan fen lis la.

Pou w sèvi ak lis la, chèche non medikaman an, oubyen gade nan lis pwoblèm anba a. Lè nou jwenn pwoblèm nan, al gade nan paj yo bay la, pou nou konnen ki medikaman ki bon pou trete l. Anvan nou kòmanse tretman an, li tout sa yo ekri sou pwoblèm nan nan liv sa a.

Pwoblèm	Medikaman ki pou trete pwoblèm
Alèji	adrénaline, diphenhydramine, hydrocortisone, prométhazine
Anestezi, pou angoudi chè a	lidocaïne
Anpwazònman gwosès, gade eklanmsi
Avòtman ki enkonplè	ergométrine, misoprostol
Chank mou	lidocaïne
Chanpiyon, enfeksyon	clotrimazole, nystatine
Doulè	paracétamol, ibuprofène
Eklanmsi	sulfate de magnésium, diazépam
Enfeksyon
apre akouchman	ampicilline, gentamicine, métronidazole
apre yon foskouch oswa yon avòtman	ampicilline, gentamicine, gentamicine, métronidazole, doxycycline, immunoglobuline antitétanique, vaksen kont tetanòs
apre sikonsizyon fi	céfalexine, clindamycine
kay tibebe ki fèk fèt	ampicilline, gentamicine
matris (ki soti nan maladi moun pran nan fè sèks ki pa t trete)	amoxicilline, azithromycine, céfixime, céftriaxone, érythromycine,métronidazole
pandan gwosès	ampicilline, gentamicine, métronidazole
tete	dicloxacilline, erythromycine
vesi (blad pipi), ren	céfixime, cotrimoxazole
Èpès	acyclovir
Enfeksyon bakteri nan vajen	clindamycine, métronidazole
Evite enfeksyon
kay moun ki gen VIH	cotrimoxazole
nan matris kote yo mete men oubyen zouti nan kò a	amoxicilline, métronidazole
Gonore, ekoulman	céftriaxone,céfixime
Je tibebe ki fèk fèt	érythromycine, tétracycline
Klamidya	érythromycine, amoxicilline, azithromycine
Malarya	combinaisons à base d'artémisinine (CTA), clindamycine, quinine
Plasenta pa soti	oxytocine, misoprostol
Planin ann ijans	grenn planin, (éthinyl estradiol, levonorgestrel, norgestrel)
Senyen, emoraj
apre akouchman	ergométrine, oxytocine, misoprostol
Sifilis	azithromycine, benzathine benzylpénicilline, érythromycine
Trikomonas	métronidazole
Veri sou pati jenital	acide trichloroacétique, acide bichloroacétique
Chancroid	érythromycine, céftriaxone
VIH/SIDA	éfavirenz, lamivudine, névirapine, ténofovir, zidovudine

Nou te mete paj sa a ajou: 29 fev 2024