Swen prenatal (konsiltasyon pandan yon gwosès)

Swen prenatal enpòtan anpil. Sa pèmèt yo dekouvri pwoblèm epi regle yo bonè anvan yo vin twò grav. Li pa difisil pou yo bay swen prenatal e yo pa bezwen aparèy ki koute gwo lajan pou sa. Anpil matwòn, fanm saj, sant sante tankou lopital bay swen prenatal. Ak swen prenatal, yo ka sove lavi anpil moun.

Si w ansent, eseye fè 3 konsiltasyon jeneral pou pi piti:

Lè w kòmanse kwè w ansent.
Bò zòn sizyèm mwa gwosès la.
Yon mwa anvan akouchman an.

Al fè konsiltasyon ap ede w wè kijan l ap pi bon pou w akouche: lakay ou, nan yon sant sante oubyen nan yon lopital.

Yon fanm saj, yon matwòn, oubyen yon travayè sante ap poze w kesyon sou lòt eksperyans gwosès ak akouchman ou te fè anvan. Y ap poze w kesyon sou pwoblèm ou ka te rankontre, paregzanp: èske w konn gen emoraji? Èske w pèdi timoun deja nan akouchman? Enfòmasyon sa yo enpòtan. Sa ap fè ni ou menm, ni travayè sante a pare pou kalte pwoblèm sa yo, si malerezman yo ta prezante nan gwosès sa a ansanm ak nan akouchman an. Yon fanm saj ap kapab:

kontwole kalte manje yon fanm ansent manje epi ede l manje pi byen, si sa nesesè.
ba li grenn fè ak asid folik an konprime pou ede l fè prevansyon kont anemi.
egzamine manman an pou l kontwole sante l epi gade si tibebe a ap devlope nòmalman.
bay manman an vaksen tetanos. Maladi sa a ka touye ni manman an, ni pitit la.
bay fanm ansent nan medikaman pou fè prevansyon kont malarya, si gen epidemi malarya nan rejyon an.
fè manman an fè tès VIH ak tès sifilis ansanm ak tès lòt maladi seksyèlman transmisib.

Kisa w ka jwenn, lè w al nan swen prenatal

Nan yon seyans swen prenatal, yon matwòn oubyen yon fanm saj dwe:

egzamine pòpyè je fanm nan ak zong li pou l chèche siy anemi.

Gade si men l ak figi l pa anfle .

Tyeke tansyon fanm nan.

Tyeke kijan tibebe a ap grandi nan matris la. Nòmalman, fòk matris la vin pi gwo lajè 2 dwèt chak mwa. Sou 4 mwa edmi, li rive nòmalman nan wotè lonbrik la. Si matris la sanble l twò piti osinon twò gwo, oubyen si l gwosi twò vit, sa kapab vle di genyen yon pwoblèm.

9 mwa

8 mwa

7 mwa

6 mwa

5 mwa

4 mwa

3 mwa

fetoskòp

Pou l konnen si tibebe a an sante, yon fanm saj gen dwa koute jan kè l ap bat. L ap ka tande batman kè a, lè l kole zòrèy li sou abdomèn manman an, men, souvan, li gen dwa pa ka fè diferans ant batman kè tibebe a ak batman kè manman an. Kontwòl sa a ap pi fasil ak yon fetoskòp. Yon lòt siy ki ka pèmèt nou konnen si tibebe a an sante, si manman an santi l ap fè mouvman nan vant li chak jou. Si fanm ansent nan te santi mouvman sa yo jou tyèkòp la, ou mèt konnen pa gen twòp pwoblèm.

Kijan pou w tyeke pozisyon tibebe a
An jeneral, pandan gwosès la, timoun nan ka chanje pozisyon plizyè fwa andedan matris la. Lè akouchman an prèt pou rive, tibebe a dwe rete tèt anba nan matris la. Se pozisyon ki pi bon pou akouchman an. Pou w ka konnen si timoun nan tèt anba, tyeke pozisyon an konsa:
1. Fè manman an fè ekspirasyon (pouse lè a deyò) nètale. Sèvi ak 2 men w pou w chèche timoun nan.	Ak pous ou plis 2 lòt dwèt, pouse yon ti kras pi wo zo devan an Kounye a, ak lòt men an, chèche dènye bout anwo matris la.
Kidonk, si dèyè a anwo, w ap santi bout anwo matris la pi gwo... ...tèt la pi di, li pi won.	...Dèyè timoun nan pi gwo, li pi laj	...Si dèyè a anba, w ap santi bout anba matris la pi gwo.
2. Kòmanse pouse tou dousman soti yon bò al lòt bò a ak yon men. Apre sa, sèvi ak lòt men an. Ak dezyèm men an, w ap kontwole reyaksyon timoun nan.		3. Jis anvan akouchman an, tibebe a ap desann pi ba nan matris la. Li pare pou l soti. Konsa, lè akouchman an pa lwen, ou gen dwa pa ka santi deplasman tèt tibebe a.
Si tibebe a anlè toujou, ou ka fè tèt li fè yon ti mouvman. Men, si l desann deja, ou p ap ka fè tèt la fè mouvman.		Premye pitit yon fanm konn desann pi ba yon semèn konsa anvan kòmansman travay la. Dezyèm pitit ak lòt pitit ki vin apre yo pa desann anvan travay la kòmanse.