Hesperian Health Guides
Siyal danje pou tibebe ki fèk fètil
SanteWiki > Kote Fanm Pa Jwenn Doktè > Chapit 6: Gwòses ak akouchman > Siyal danje pou tibebe ki fèk fèt
Kontni yo
Tibebe ki fèt anvan lè oubyen ki fèt twò piti
Yon timoun ki fèt anvan manman an rive sou nevyèm mwa gwosès la fèt anvan lè. Yon timoun ki peze pi piti pase 2500 gram oubyen 5 liv fèt twò piti. Timoun sa yo bezwen kèk swen espesyal.
Tretman:
Plis enfòmasyonalètman matènèl |
Lè tibebe a pa ka respire
Yon bebe dwe respire pou kont li ant 2 a 3 minit apre lonbrik la vin blanch oubyen apre plasennta a fin detache soti nan matris la. Si timoun nan pa kòmanse respire, gwo dega ka fèt nan sèvo l oubyen li ka menm pèdi lavi li.
Kisa k dwe fèt
Netwaye bouch tibebe a ansanm ak nen li. Fè bon jan masaj sou do l ak nan pye l. Si, malgre sa, tibebe a pa kòmanse respire, fè bouch a bouch:
- Mete tibebe a kouche sou yon bagay di, tankou yon tab oubyen yon planch.
- Panche tèt tibebe a dèyè, yon tikras, pou gòj li ka ouvri.
- Mete bouch ou nan bouch tibebe a ak nen li, epi soufle dousman kèk bouche lè nan kò l. Soufle anviwon 30 bouche chak minit (sètadi, yon tikras pi vit pase lè w ap respire san nen w pa bouche). Nan mitan 2 bouche lè, kite tibebe a pouse lè a deyò.
- Vant timoun nan ak pwatrin li ap monte desann, chak fwa w soufle. Si vant la monte san l pa desann, sa vle di lè a ap antre nan lestomak timoun nan, san l pa antre nan poumon l. Eseye chanje pozisyon tèt la. Gade si pa gen anyen ki bouche gòj la.
Pwatrin nan ak vant nan monte. |
 Pwatrin nan ak vant lan desann apre chak bouche lè. |
ATANSYON! Poumon timoun nan frajil anpil. Si w soufle twò fò, ou ka domaje yo. Se nan bouch ou pou lè a soti. Se pa nan pwatrin ou.
Nou te mete paj sa a ajou: 29 me 2025