Kijan pou n rete an sante pandan gwosès

SanteWiki > Kote Fanm Pa Jwenn Doktè > Chapit 6: Gwòses ak akouchman > Kijan pou n rete an sante pandan gwosès

Nan chapit sa a, n ap jwenn:

 

Nan chapit sa a, n ap jwenn:

Si w ka pran swen tèt ou pandan w ansent, w ap pi vit gen yon gwosès san danje, w ap pi vit akouche san pwoblèm epi w ap fè yon timoun ki an sante.

• Eseye manje valè manje fòtifyan ki nesesè. Yon bon alimantasyon bay fòs ak pwoteksyon kont enfeksyon. Sa ede timoun nan devlope an sante epi sa ka anpeche w pèdi twòp san pandan akouchman an. Pa bliye se 2 moun w ap nouri, ou menm ak tibebe a. Sèvi ak sèl ki gen yòd ladan l pou w pa pran chans fè yon ti retade mantal.
• Dòmi epi pran repo, chak fwa w kapab. Si w travay kanpe, eseye chita oubyen kouche plizyè fwa pandan jounen an.

... men pran repo chak fwa ou kapab.

Fè travay ou chak jou...

Li nan pati sou “Siyal danje pandan gwosès” la, pou w ka konnen ki lè li enpòtan pou w al wè yon travayè lasante.

Si gen ka malarya nan zòn lakay ou, kouche anba moustikè pou marengwen pa mòde w.

• Ale nan konsiltasyon (anvan akouchman) pou w ka pa gen pwoblèm oubyen pou w ka dekouvri pwoblèm yo anvan yo vin pi grav. Si w pa t janm pran vaksen tetanòs, kouri al pran youn. Fòk ou pran vaksen tetanòs 2 fwa anvan gwosès la fini.
• Kenbe kò w pwòp. Benyen, netwaye kò w epi bwose dan w chak jou.
• Fè egzèsis kontraksyon-dekontraksyon ak vajen ou. Konsa, l ap vin pi fèm apre akouchman an.
• Eseye fè egzèsis chak jou. Si w travay chita, eseye fè yon ti mache chak jou. Men pa fatige kò w.
• Chèche tretman, si w panse ou gen yon maladi seksyèlman transmisib (MST) oubyen yon lòt enfeksyon.
• Pa bwè medikaman famasi oubyen remèd fèy, sof si yon travayè sante ki konnen w ansent ba w otorizasyon pou sa.
• Pa bwè gwòg, pa fimen, pa chike tabak pandan gwosès ou. Bagay sa yo pa bon pou sante manman an ni tibebe a. L ap devlope mal, epi sibi gwo domaj.
• Pa pran kontak ak pestisid, zèbisid oubyen pwodui chimik ki sot nan izin. Yo ka mete tibebe a andanje. Pa manyen yo. Pa travay kote yo ye. Pa respire vapè yo. Pa janm mete manje oubyen dlo nan veso ki te gen pwodui sa yo.
• Rete lwen tout timoun ki gen bouton sou kò yo. Petèt, se saranpyon yo genyen e sa ka andomaje tibebe a.

Nou te mete paj sa a ajou: 29 me 2025