Mete esterilè a

SanteWiki > Yon Liv Pou Fanmsaj > Chapit 21: Ki jan pou mete yon esterilè > Mete esterilè a

Nan chapit sa:

 

Nan chapit sa:

• Chapit 21: Ki jan pou mete yon esterilè
• Ede yon fi deside si yon esterilè ap bon pou li
• Anvan w mete esterilè a
• Mete esterilè a
• Apre w fin mete esterilè a
• Retire esterilè a

Gen plizyè kalite esterilè, e chak kalite esterilè gen yon fason pou w mete l. Anvan w mete yon esterilè, ou dwe chèche konnen ki jan pou w mete kalite w genyen an. Pifò esterilè vini ak enstriksyon. Men etap ou dwe suiv pou kèlkeswa esterilè w ap mete a:

1. Mande fi a pou l fè pipi.
2. Esterilize tout zouti w ap bezwen pou mete esterilè a epi mete yo sou yon twal oswa sou yon papye ki esterilize.
   
   
   

   Gan plastik

   Espekilòm

   Pens won ak twal gaz oswa yon tanpon long pou netwaye kòl matris la

   Pens tenakilòm

   Sizo

   Sonn pou verifye matris la

   
   

   
   Lòt zouti w ap bezwen:

   Yon bon limyè	Yon bòl ki gen antiseptik tankou betadin oswa “Hibiclens”	Esterilè a ak tib pou mete l la, ki anndan yon pake esterilize

   
   Gen anpil kalite esterilè. Twa kalite ki popilè se “Copper T” (oswa “ParaGuard”), “Mirena” or “Skyla” Tout esterilè sa yo san danje epi yo efikas.

   
   

   Copper T IUD	Mirena IUD

   Nan liv sa a, nou bay enfòmasyon sou ki jan pou itilize yon sèl kalite esterilè, “Copper T” a. Nou pale sou li paske li efikas, li san danje, epi li popilè. Gen lòt kalite esterilè ki antre menm jan ak “Copper T” a. Men, asire w ou li enstriksyon ki vini ak esterilè w ap itilize a.

   
   

3. Mete esterilè a nan tib la.
   
   

   Prepare esterilè “Copper T” a

   Esterilè “Copper T” a vini nan yon pake ki esterilize. Mete pake a sou yon tab ki pwòp, avèk bò ki gen papye a sou anba. Konsa w ap ka wè esterilè a anndan plastik ki kouvri l la.

   

   
   

   Anndan pake a gen 3 pati:

   Esterilè	Tib pou mete esterilè a	Bagèt
   Manch Fil	Bouton kontwòl

   Enstriksyon sa yo di w ki jan pou antre esterilè a anndan tib la pandan esterilè a tou nan pake a. Si w mete esterilè a nan tib la pandan l toujou anndan pake a, epi ou pa manyen esterilè a, l ap rete esterilize menmsi w pa mete gan esterilize. Pa janm manyen esterilè a ni pwent tib la, ni pwent bagèt ki pral anndan matris fi a, eksepte si w mete gan esterilize.
   

   

   Antre esterilè a nan tib la lè w prèske pare pou mete l nan fi a. Si esterilè a rete nan tib la pou plis pase 5 minit, li pap mache ankò: manch yo pap ouvri anndan matris la.
   

   

   Ouvri pake a ademi, kòmanse sou bò ki pi lwen esterilè a, epi pouse bagèt la sou kote pou l pa deranje sa w ap fè a.
   

   

   Kenbe tib la byen fèm ak yon men. Ak lòt men an, kenbe esterilè a pandan l anndan plastik la epi antre manch yo nan tib la. Mete pous ou sou yon manch epi mete dwèt endèks ou sou lòt manch lan, epi peze yo ansanm.

   Antre esterilè ki tou pliye a nan tib la.

   Mete bagèt la nan lòt pwent tib la epi fè l pase bò kote fil yo. Kanpe lè bagèt la touche pwent esterilè a, epi kenbe l la a.

   Kounye a, esterilè a pare pou w mete l.

   
   

   
4. Mete fi a kouche so do ak jenou l pliye epi janm li ouvri.




5. Ankouraje fi a rilaks. Ou ka eseye pran gwo souf ansanm avè l, pale dousman, oswa mete yon men sou zèpòl li pou w ba l asirans.



6. Suiv enstriksyon pou w byen lave men w ak savon ak dlo. Kite men w seche poukont yo nan lè epi mete gan ki esterilize.





7. Chèche touche matris fi a.
   • Chèche ki gwosè matris la ye epi nan ki pozisyon li ye.
   • Asire w fi a pa ansent.
   • Asire w matris la pa gwosi ni li pa fè fi a mal.




8. Foure yon espekilòm ki esterilize byen dousman.






9. Lave kòl matris la avèk antiseptik. Ou ka itilize yon tanpon ki long oswa yon pens won ak yon twal gaz esterilize ki mouye ak antiseptik.





10. Kenbe kòl matris la ak yon pens tenakilòm epi fèmen pens la byen dousman. Rale kòl matris la byen dousman pou w ka ranje l dwat. Matris la bezwen dwat pandan w ap antre sonn nan ak esterilè a. Si fi a santi doulè, kanpe. Pran yon ti poz epi mande fi a pou l di w lè l pare pou w kontinye.




11. Pou w ka mezire matris la, antre yon sonn esterilize nan pasaj kòl matris la rive anndan matris la.
    
    Ou dwe kenbe sonn nan nan manch li sèlman, epi foure l ak anpil prekosyon nan kòl matris la. Pa kite sonn nan touche anyen sof kòl matris la. Sonn nan pap esterilize ankò si l touche yon lòt bagay, menm vajen fi a.
    
    

    
    

    Foure sonn nan avèk dousè men avèk fèmte. Si l difisil pou pouse sonn nan antre nan kòl matris la, vire l pandan w ap pouse l. Pa pouse twò fò. Sa ta ka pouse sonn nan tèlman fon ou rive pèse matris la. Sa danjere anpil.

    

    
    
    
    Yon fwa sonn nan antre nan kòl matris la, pouse sonn nan byen dousman jiskaske w santi l touche dèyè matris la.
    
    Sonn nan make an sentimèt (cm). Lè w retire sonn nan, l ap mouye rive nan yon mak. Mak sa a montre ki gwosè matris la ye a.

12. Lè w konn gwosè matris la, ou ka make tib la pou l menm longè ak matris la.
    
    

    Sonn nan mouye rive nan pwen sa a . . .

    . . . donk, deplase bouton kontwòl la nan menm distans lan, soti nan pwent tib la.

    Gade esterilè a pandan l anndan pake a. Tib la gen yon ti bouton kontwòl sou li anndan pake a. Deplase bouton ki sou tib la pou l menm gwosè ak matris la. Pou fè sa, pouse bouton an pandan esterilè a rete tou esterilize anndan pake a.


13. Kounye a ouvri pake a nèt, retire tib la nan pake a, epi antre esterilè a anndan matris la. Fòk esterilè a rete esterilize! Pa kite anyen touche l, menm bò vajen fi a.
    

    
    
    Kenbe kòl matris la anplas avèk pens tenakilòm nan, epi pouse tib ki kenbe esterilè a byen dousman anndan pasaj kòl matris la. Pa janm fòse esterilè a antre nan matris la, menmsi li difisil pou mete.
    

    

    
    
    
    Pouse tib ki kenbe esterilè a nètale rive nan do matris la. Lè bouton kontwòl la rive nan kòl matris la, sa vle di ou pouse esterilè a rive nan do matris la. Si w santi gen anpèchman, pa pouse pi lwen.

    Kenbe bagèt la anplas. Sa pèmèt esterilè a rete anplas. San w pa kite bagèt la deplase, rale tib la vin jwenn ou dousman.	Lè tib la soti deyò kòl matris la, ou ka rale bagèt la vin sou ou epi deyò kòl matris la.
    Kenbe bagèt la anplas. Rale tib la vin jwenn ou.	Apre sa, retire ni tib la ni bagèt la.

    
    

Koupe fil yo pou apeprè 2 sentimèt ka pandye deyò kòl matris la. Retire pens tenakilòm nan ak espekilòm nan byen dousman. 2 santimèt

14. Kite apeprè 2 sentimèt fil pandye deyò kòl matris la.




15. Mete tout zouti yo ak gan yo nan dlo klowòks oswa nan lòt kalite dezenfekte chimik.




16. Jete tout fatra yo, ni twal gaz yo, ni tib ki te sèvi pou antre esterilè a.




17. Lave men w ak savon ak dlo

Nou te mete paj sa a ajou: 29 fev 2024