Lòt kalite pwoblèm san

SanteWiki > Kote Fanm Pa Jwenn Doktè > Chapit 22: Lè n ap senyen nan vajen yon jan ki pa nòmal > Lòt kalite pwoblèm san

Nan chapit sa a, n ap jwenn:

 

Nan chapit sa a, n ap jwenn:

LÈ NAP BAY SAN PANDAN GWOSÈS OUBYEN APRE AKOUCHMAN
Pwoblèm san an	Kisa ki ka lakòz	Kisa pou n fè
N ap bay san pandan 3 premye mwa gwosès yo epi nou gen yon doulè ki pa sispann oubyen ki ap fè alevini sou nou.	Gwosès ekstra-iteren, sa vle di, andeyò matris la.	KA IJAN! Kouri lopital san pèdi tan.
N ap bay san pandan 3 dènye mwa gwosès yo.	Plasennta a ap dekole soti nan matris la. Plasennta ap kouvri kòl matris la.	KA IJAN! Kouri lopital san pèdi tan.
N ap bay san pandan 6 premye mwa gwosès yo	Kapab se yon fòs kouch n ap fè (sitou si n gen doulè ki sanble ak tranche).	Veye epi tann. Si senyen an vin fò anpil, ale lopital.
Gwo emoraji pandan akouchman oubyen touswit apre akouchman an.	Gen kèk moso plasennta ki rete nan matris nou. Matris la bouke travay, li pa ka ranmase kò l pou l fèmen.	KA IJAN! Kouri al wè yon fanm saj oubyen kouri lopital.

LÈ N AP SENYEN APRE YON AVÒTMAN OUBYEN YON FÒS KOUCH
Pwoblèm san an	Kisa ki ka lakòz	Kisa pou n fè
Nou gen yon gwo emoraji oubyen n ap senyen pandan plis pase 15 jou, oubyen tou emoraji a mache ak doulè oubyen lafyèv.	gen kèk moso vyann ki rete nan matris nou enfeksyon nan matris	KA IJAN! Kouri lopital san pèdi tan.
Se kòm si se règ nou genyen, men san an kontinye koule pannan 5 a 15 jou. Li vin pi fèb chak jou.	Se yon bagay nòmal	See “Ki sa k ap rive apre yon avòtman”?

LÈ N AP SENYEN APRE N FIN FÈ LANMOU
Pwoblèm san an	Kisa ki ka lakòz	Kisa pou n fè
N ap bay san pandan oubyen apre n fin fè lanmou	maladi seksyèlman transmisib (MST) maladi enflamasyon nan basen kadejak ti boul oubyen kansè nan kòl matris oubyen nan matris la menm	“gonore ak klamidya” “maladi enflamasyon nan basen” ch. 19, “Kadejak ak atak seksyel” “Kansè nan kòl matris” ak “Pwoblèm nan matris”

LÈ N AP SENYEN APRE MENOPÒZ
Pwoblèm san an	Kisa ki ka lakòz	Kisa pou n fè
Nou kòmanse bay san 12 mwa oubyen plis pase 12 mwa apre n fin rete (menopòz).	ti boul oubyen kansè nan matris ti boul oubyen kansè nan kòl matris	Kouri al wè yon travayè sante ki gen kapasite pou l fè yon egzamen basen. Nou ka bezwen fè yon Papanikola (Pap tès) oubyen yon dilatasyon ak kitaj

Nou te mete paj sa a ajou: 10 des 2025