Chapit 23: Pwoblèm nan sistèm irinè

SanteWiki > Kote Fanm Pa Jwenn Doktè > Chapit 23: Pwoblèm nan sistèm irinè

Retounen nan akèy kreyòl ayisyen

Nou gen 2 ren. Se yo ki fè lapwòptay nan san nou e se pandan travay sa a, ren yo fabrike pipi.

Vesi a (blad pipi a) se yon ti sak. Li elastik tankou yon blad. Lè l plen ak pipi, li gonfle. Lè n fin pipi, li vin pi piti.

Lè l fin desann nan kanal ki anba vesi a, pipi a soti nan ti twou ki anlè ouvèti vajen an.

Pipi a pase nan 2 kanal sa yo: li soti nan ren yo e l rive nan vesi a.

Chapit sa a pale de pwoblèm ki atake sistèm irinè nou pi vit. Kèk fwa, nou ka gen pwoblèm pou n separe pwoblèm sa yo youn ak lòt. Si n gen yon pwoblèm ki pa sanble ditou ak sa nou jwenn nan chapit sa a, se pou n al chache laswenyay kay doktè. Nou dwe fè kèk egzamen laboratwa pou n ka konnen sa k ap pase.

Si n rive wè ki pwoblèm nou genyen, n ap kapab fè tretman an lakay nou - sitou si n pran l bonè. Men pa bliye, kèk pwoblèm grav konn kòmanse ak siy ki pa montre sa menm. Trapde pwoblèm sa yo ka vin bay gwo doulè epi yo ka mete nou an danje. Konsa, si, apre 2 oubyen 3 jou, nou pa refè, se pou n al wè doktè.

Eksizyon Yon fanm ki sibi eksizyon ka domaje nan sistèm irinè l epi gen gwo pwoblèm sante pandan tout rès lavi l. Si n te sibi eksizyon epi, jounen jodi a, nou gen pwoblèm pou n pipi oubyen enfeksyon k ap fè alevini sou nou, nou dwe al wè yon travayè sante. Nou kapab menm oblije fè yon operasyon pou n regle pwoblèm nan. Pou n jwenn plis enfòmasyon, ale nan chapit ki pale sou “Eksizyon an”.

←→ Anvan | Pwochen →←

Nou te mete paj sa a ajou: 10 des 2025

Hesperian Health Guides

Chapit 23: Pwoblèm nan sistèm irinè

Nan lòt lang yo

QUICK LINKS

CONNECT

ORDERING & INFO

Hesperian Health Guides

Chapit 23: Pwoblèm nan sistèm irinè

Nan lòt lang yo

QUICK LINKS

CONNECT

ORDERING & INFO

SOCIAL & CONTACT