Medikaman ki pou trete kriz kè (atak kè, kriz kadyak)

SanteWiki > Nouvo Kote Ki Pa Gen Doktè > Premye swen > Medikaman ki pou trete kriz kè

Premye swen : Medikaman

 

Premye swen : Medikaman

• Antibyotik
• Medikaman ki pou anpeche moun trape tetanòs
• Medikaman ki pou trete mòde bèt
• Medikaman ki pou trete boule
• Medikaman ki pou trete alèji oubyen demanjezon : Antihistaminques (anti-istaminik)
• Medikaman ki pou trete kriz kè (atak kè, kriz kadyak)
• Medikaman ki pou trete anpwazonnman
• Medikaman ki pou kalme doulè ak lafyèv
• Medikaman ki pou andòmi chè a
• Medikaman ki pou kalme moun

Si nou sispek ke yon moun ap fè yon kriz kè, ba li aspirin touswit. Pandan nou nan wout pou al lopital, bay nitroglycérine si nou genyen li.

Nou mèt ba li morphine pou soulaje doulè ak laperèz li.

Nitroglycérine

---

(glyceryl trinitrate) (nitwogliserin)
Nitroglycérine bon pou trete doulè nan kòf lestomak (anjin pwatrin) kriz kè konn bay la. Li louvri ti venn ki fè san an sikile nan vyann kè a. Konsa kè a jwenn plis fòs pou ponpe san an nan tout kò a.

Enpòtan

Pa bay yon moun nitroglycérine si li gen tansyon ba, oubyen si li te bwè sildénafil (viagra) (sildenafil, vyagra) pandan 24 èdtan jis anvan kriz la pran li. Konbinezon medikaman sa yo ka desann tansyon an twòp. Se gwo danje; li ka menm pote yon moun ale.

Efè segondè

Li ka bay gwo maltèt, fè l santi cho, oubyen fè l santi tèt li ap vire.

Ki jan pou nou sèvi avè l

Fè moun nan chita oubyen kouche, paske medikaman an ka ba li tèt vire. Li pa gen dwa rete debou.

Bay ½ mg (0,5 mg) anba lang, pou li fonn la. Tann 5 minit anvan nou bay yon lòt dòz. Pa bay plis pase 3 dòz nan 15 minit.

Pa kraze grenn nan nan bouch, epi pa vale l. Lè l ap fonn, li ka pike oubyen boulè yon ti kras anba lang lan.